第一次性行為：「原來這就叫做愛」——青頭仔的Staycation 災難

第一次 Staycation

「果陣我20歲，Year1。我同我第一個女朋友Jenny中學果陣開始拍拖，都拍咗好多年。Jenny    提出我哋不如試下果陣，將會係佢嘅第一次，亦係我嘅第一次。

雖然之前都試過有啲緊火moment，多數係趁老豆老母唔喺度果陣偷偷make out，但真正埋牙呢件事實在令人激動！我記得當我（幾乎lur飯應咁）話好果陣，其實已經好緊張同焦慮。

但要發生的終於要發生喇！！！！我嘅心情係好激動嘅。

為咗令我哋嘅第一次盡可能特別啲，所以我一早book咗一間隱世海景酒店，希望盡量令我哋嘅週年紀念日有咁舒服得咁舒服，真正享受二人世界，唔使撞到人比任何人阻住。

我哋喺海灘上面行完之後，去咗間扒房享受浪漫燭光晚餐。Jenny著住條低胸連身裙，有前有後曲線盡露，我完全無法移開視線。餐飯一路食我就一路喺度想像今晚會發生嘅事。

一路食我個腦當然淨係諗住呢件事，同埋我到底搞唔搞得掂。喺anniversary 前一星期，我睇哂討論區巴打教學，睇哂google第一次有咩要注意，剪埋下面啲毛，喺7仔買定「道具」（係唔敢同收銀有眼神交流），但我仍然完全未覺得自己ready 好。

我決定點杯啤酒配牛扒，希望可以放鬆啲，可以完全享受同Jenny嘅美好晚上。

食埋甜品，埋埋單。終於，是時候了。」

反高潮：第一次入唔到

「Jenny都好想要，我哋甚至返房途中喺lift就開始攬攬鍚鍚，返到房開始剝衫就嚟料。

搞到咁上下，當我拎起盒安全套時，因為間房勁黑，太緊張同腎上腺素搞到我手都震埋，差啲喺撕開包裝袋果陣已經跌咗第一個安全套。果陣我半硬，我努力嘗試戴第一個安全套但一路都戴唔到。試咗幾次之後我放棄咗第一個安全套，打開咗第二個。結果第二個套我調轉咗嚟戴，又要扔咗去。

當我用到第三個套果陣，我開始軟，令個套更加難戴。去到第四個套都唔得之後，我完全軟晒。

有人話第一次通常入唔到。

唔好話入唔入到，我連個套都戴唔到。

Jenny留意到我有幾唔開心，佢盡量好輕鬆咁看待呢個非常尷尬嘅局面。佢同我講我哋可以下次再試，又話多謝我為我哋呢個週年紀念日付出咗幾多努力去plan，令呢一日變得咁「特別」，之後果晚我哋就大家一齊攬住過咗。Jenny 都好快瞓著咗。

但係我就因為感覺超差，成晚都瞓唔著。

呢次係我人生以嚟廿歲仔嘅第一次，但我甚至連安全套都戴唔到。」

覺得自己是零：性表現焦慮

「所以呢次staycation期間，我哋最後係咩事都無發生過，然後就各自返屋企了。

就算Jenny keep住話我知唔緊要，我都係感受到極大恥辱，自信受到嚴重打擊。我好內疚，畀唔到我女朋友想要嘅親密同快樂，我覺得好失敗。

我點解會硬唔起？

係咪我果陣心情唔好，覺得我女朋友唔夠性感吸引到我？定我條JJ（陰莖）出咗問題？我會唔會一路都係咁硬唔到又戴唔到套？

呢啲疑問keep住都喺之後幾日喺我腦海盤旋，搞到我瞓得好差。」

到底發生了什麼事？

「之後我就上網google搵下到底我係咪有咩問題，點解會咁樣。

Research 結果就係I am not alone，原來好多男仔都試過類似情況。因為無經驗同第一次太緊張，再加埋食飯果陣飲左幾杯啤酒，我好大機會係遇上不舉（性功能障礙）。

性功能障礙係一種會影響你性表現去勃起或者維持硬度進行性行為的性功能狀態。

雖然我都知咩係不舉（性功能障礙），但我成日都以為係得老嘢先會遇到，睇嚟不舉係無年齡歧視的。

不舉可以由壓力、性表現焦慮及抑鬱等心理因素引起——呢其中嘅2個原因可以解釋到點解我果晚會咁樣完結。酒精都可能引起不舉令你力不從心，英文仲好搞笑有個term 叫 Whiskey Dick（威士忌陽痿）。

不舉亦可能係你有心血管疾病、高血壓及糖尿病等更嚴重健康問題嘅跡象。所以如果睇緊呢篇文嘅你都試過類似經歷，記得去諮詢醫生進行檢查。

果晚我差啲浪費咗成半盒保險套，所以後來我都試吓點樣戴得好，睇完youtube片之後我自己買咗條香蕉返嚟試下，practice makes perfect，我終於識分正反面同點樣戴先啱。

溫馨提示：

1. 或者你第一次試戴保險套嘅時候可以開返盞燈先（唔緊要的，戴到緊要過有mood）。

2. 安全套正面頂端有個小氣囊，邊緣向上內捲，容易拉下來

3. 用之前記得小心將安全套前端的空氣擠出，以便保留前端空間盛載精液。

現實不是AV

「喺呢次經歷之後後另一個領悟係，唔係所有嘢都好似拍片咁。更具體咁講，就係A片。你懂的。

我原本期待能夠一開始就硬起來並努力推進。我腦海入面嘅畫面係，我可以成晚超勁好似小豬光速舞咁，我嘅女朋友會keep住發出呻吟嗌好舒服，甚至可能係尖叫到比人投訴。

好明顯，事情沒有這樣發生。

呢種不切實際嘅期望都可能增加咗我嘅壓力同性表現焦慮，令我更難勃起。」

開心返埋嚟的結尾

Jenny 同我後來終於搵到另一次嘗試機會，呢一次係去日本嘅旅程之中。

今次我哋採取更緩慢嘅節奏，花更多時間進行前戲。我成功地扯起，而且好smooth 咁戴上安全套。

我希望我可以講到話我嘅第一次又舒服又好正，但實際上其實我嘅表現都仲係有啲尷尬，話雖如此，亦確實比第一次有好大嘅進步——起碼我完成到，當贏喇。

我哋亦都都真正意義上身心靈合二為一，個感覺真係好正。

總之，第一次一定唔會係最完美。各位巴打，加油。」